head


பாரத் நெட் திட்டத்திற்கு நிதி ஒதுக்கீடு!

|Friday, 20th November 2020|| Page Views: 1

தமிழகத்தில் அனைத்து கிராமங்களுக்கும் இணைய வசதி அளிக்கும் பார்த் நெட் திட்டத்திற்கு கூடுதலாக ரூ.351 கோடி நிதி ஒதுக்கீடு செய்து தமிழக அரசு அரசாணை வெளியிடப்பட்டுள்ளது. தமிழகத்தில் உள்ள 12 ஆயிரத்து 544 கிராமங்களிலும் அதிவேக இணையவசதி அளிப்பதற்கான பாரத் நெட் திட்டத்தை செயல்படுத்த கடந்த ஆண்டு 1,871 கோடி ரூபாய் நிதி ஒதுக்கப்பட்டு, கருவிகள் கொள்முதலுக்கு ஒப்பந்தம் விடப்பட்டது. எனினும், ஒப்பந்த விதிமுறைகள் முறையாக பின்பற்றப்படவில்லை எனக்கூறி மத்திய வர்த்தகத்துறை அமைச்சகம் அதனை ரத்து செய்து, புதிய ஒப்பந்தம் கோர அனுமதி வழங்கியது.

இந்நிலையில், தற்போது இந்த திட்டத்திற்கு கூடுதலாக 351 கோடி ரூபாய் நிதி ஒதுக்கீடு செய்யப்பட்டுள்ளது. கூடுதல் சிறப்பம்சங்களை சேர்த்து பாரத் நெட் திட்டத்திற்கான தொகையை ரூ.2222 கோடி ரூபாயாக உயர்த்தி தமிழக அரசு அரசாணை வெளியிட்டுள்ளது. இதில், ரூ.1815 கோடி மத்திய அரசு வழங்கும். மீதமுள்ள தொகை மாநில அரசால் வழங்கப்படும்.
www
  www.elukathir.lk
 
 

 

Copyright 2016  வெளி ஊடகங்களில் இருந்து பெறப்படும் தகவல்களின் உண்மைநிலை தொடர்பில் எழுகதிர் நிர்வாகம் பொறுப்பு கூறமாட்டது என மிகதாழ்மையுடன் அறிவிக்கிறோம்.