கேகாலை மாவட்டத்தில் அரநாயக்க அம்பலாங்கந்தை பகுதியில் 120 பேர் காணாமல் போயுள்ளதாக தெரிவிக்கப்படுகிறது. 120 பேரில் 20 குழந்தைகளும் அடங்குவர் எனத் தெரிவிக்கப்பட்டுள்ளது.
காணாமல் போனவர்களை மீட்பதற்கு மீட்புப் பணியினர் குறித்த பகுதிக்குச் செல்ல முடியாத சூழ்நிலை காணப்படுகிறது.
அதேவேளை அநுராதபுரத்தில் பௌத்த பிரிவெனாவொன்றிலுள்ள 100இற்கும் அதிகமான பிக்குகள் வெளியில் வர முடியாத சூழ்நிலை ஏற்பட்டுள்ளதாகவும் தெரிவிக்கப்படுகிறது.
நாட்டில் நிலவும் சீரற்ற காலநிலையால் இதுவரை 123 பேர் உயிரிழந்துள்ளதுடன் 130 பேர் காணாமல் போயுள்ளதாக அனர்த்த முகாமைத்துவ மத்திய நிலையம் தெரிவித்துள்ளது.
இந்தநிலையில், காணாமல் போனோரை மீட்கும் பணிகள் தீவிரப்படுத்தப்பட்டுள்ளதாக அனர்த்த முகாமைத்துவ மத்திய நிலையம் தெரிவித்துள்ளது. ஆறுகளின் நீர் மட்டம் அதிகரித்துள்ளதால் அவற்றை அண்மித்துள்ள பகுதிகளில் உள்ள மக்கள், உடனே பாதுகாப்பான இடங்களுக்கு செல்லுமாறு அறிவுறுத்தப்பட்டுள்ளனர்.
அத்துடன் மலையகப்பகுதிகளில், மண்சரிவு அபாயமுள்ள பகுதிகளில் உள்ள பொதுமக்களும் பாதுகாப்பான இடங்களுக்கு செல்லுமாறு அனர்த்த முகாமைத்துவ மத்திய நிலையம் அறிவுறுத்தியுள்ளது.
