சுவிஸ் லவுசான் நகராட்சித் தேர்தல் 2026 ஐ முன்னிட்டு, தமிழ் சமூகத்தைச் சேர்ந்த இளம் வேட்பாளர் அக்சனா குமாரசாமி போட்டியிடுகிறார்.
அரசியல் மற்றும் நிர்வாகத்துறையில் உயர் கல்வி கற்று வரும் அவர், பொதுக் கொள்கை மேலாண்மையில் முதுகலைப் பட்டம் (Master in Public Policy) பெற்றவராக அறியப்படுகிறார்.
மேலும், தமிழ் மொழிக் கல்வியிலும் தகுதி பெற்றுள்ளதுடன், சமூக மற்றும் பண்பாட்டு செயல்பாடுகளில் ஈடுபட்டு வருகிறார்.
அக்சனா குமாரசாமி, Swiss Social Democratic Party (PS) கட்சியின் பட்டியல் 5 (Liste 5) கீழ் இத்தேர்தலில் களம் காண்கிறார்.
சமூக நீதி, இளையோரின் அரசியல் பங்கேற்பு மற்றும் பல்வகைமை பிரதிநிதித்துவம் ஆகிய விடயங்களில் கவனம் செலுத்துவதாக அவர் தெரிவித்துள்ளார்.
லவுசானில் வசிக்கும் வாக்குரிமை பெற்ற குடிமக்கள், வரவிருக்கும் நகராட்சித் தேர்தலில் தங்கள் வாக்குரிமையை பயன்படுத்துமாறு அவர் ஆதரவாளர்கள் அழைப்பு விடுத்துள்ளனர்.
2026ஆம் ஆண்டுக்கான லவுசான் நகராட்சித் தேர்தல், உள்ளூர் நிர்வாகத்தில் பல்வேறு சமூகங்களின் பிரதிநிதித்துவத்தை உறுதி செய்வதற்கான முக்கியமான நிகழ்வாகக் கருதப்படுகிறது.
