அமெரிக்கர்களுக்காக(us) எழுந்து நின்று அமெரிக்காவை சிறந்த நாடாக மாற்ற முயற்சிப்பதால் தனக்கு தொடர்ந்து கொலை மிரட்டல்கள் வருவதாக அமெரிக்க ஜனாதிபதி டொனால்ட் ட்ரம்ப் (trump)தெரிவித்துள்ளார். இரண்டாவது முறையாக அமோக வெற்றி பெற்று ஜனாதிபதியாக தேர்ந்தெடுக்கப்பட்ட ட்ரம்ப், தனது முதல் அமைச்சரவைக் கூட்டத்தில் கலந்து கொண்டபோது இவ்வாறு கூறினார்.
தனது இரண்டாவது பதவிக் காலத்தின் முதல் அமைச்சரவைக் கூட்டத்தில் பேசிய ட்ரம்ப், தனது முடிவுகள் மற்றும் நிர்வாக உத்தரவுகளால் பலரின் கோபத்தை எதிர்கொண்டதாகவும், அத்தகையவர்களிடமிருந்து தனக்கு கொலை மிரட்டல்கள் வந்துள்ளதாகவும் சுட்டிக்காட்டினார்.
கொலை மிரட்டல்கள் இருந்தபோதிலும், "அமெரிக்காவையும் அமெரிக்கர்களையும் முதன்மைப்படுத்தி அமெரிக்காவை சிறந்ததாக்க" அவர் தொடங்கிய முடிவுகளுக்கு அனைத்து அமெரிக்கர்களும் தங்கள் ஆதரவைத் தெரிவித்துள்ளதாகவும் ட்ரம்ப் வலியுறுத்தினார்.
அமைச்சரவைக் கூட்டத்தில், தனது அமைச்சரவை உறுப்பினர்களிடம் உரையாற்றிய ட்ரம்ப், உள்நாட்டு மற்றும் வெளியுறவுக் கொள்கை குறித்த தனது தொலைநோக்குப் பார்வை மற்றும் நிலைப்பாட்டை விளக்கினார். ட்ரம்ப் விதித்துள்ள கட்டணங்கள் குறித்து அவருக்கும் அவரது அமைச்சரவை உறுப்பினர்களுக்கும் இடையே நீண்ட விவாதம் நடந்ததாக தெரிவிக்கப்படுகிறது.
உலகின் முதல்நிலை தொழிலதிபர் எலோன் மஸ்க்கும்(elon musk) அமைச்சரவைக் கூட்டத்தில் கலந்து கொண்டார். மஸ்க், ட்ரம்பின் தலைமை ஆலோசகர் ஆவார். அமெரிக்காவில் பொதுச் செலவினங்களை நிர்வகிக்கும் புதிய நிறுவனத்தின் தலைவராக மஸ்க் உள்ளார்.
மற்ற அமைச்சரவை உறுப்பினர்கள் ட்ரம்பைச் சுற்றி அமர்ந்திருந்தபோது, மஸ்க் ஒரு மூலையில் இருந்தார், ட்ரம்ப் மஸ்க்கிற்கு பேச வாய்ப்பளித்தபோது, அவர் அரசாங்கத்தின் வீண் செலவுகளை விளக்கினார்.
